Árktalaš njuorjjuid 17. konferánsa
Miessemánu 10.–14.b.2027, Roavvenjárggas, Suopma.
Čiežanuppelogát árktalaš guoberealliid guoski konferánsa Arctic Ungulate Conference (AUC) boahtá Roavvenjárgii 10.-14.5.2026. Juohke njealját jagi lágiduvvon konferánsa galleda dál Suomas nuppi háve. Dilálašvuođa fáddá lea árktalaš guobereallit modeardna birrasis. Vahku áigge beassat gullat ovdamearkka dihtii áššedovdiid, geat leat bargan guhkká iešguđetlágan eanageavahanvugiiguin. Virggálut prográmma lassin áigi lea várrejuvvon maiddái boares ustibiiguin deaivvadeapmái ja ođđa oktavuođaid čatnamii.
Roavvenjárgii vurdojuvvo sullii 250 oassálasti eanaš Davviriikkain ja Davvi-Amerihkás. Konferánsii oassálastet dutkiid lassin earret eará hálddahusain bargi olbmot, fitnodagaid ovddasteaddjit ja stuđeanttat. Mii sávvat báikki ala erenoamážit boazodoalliid ja eará boazodoalu ovddasteaddjiid sihke Suomas ja eará riikkain.
Ovdal konferánssa virggálaš ossodaga lágiduvvo vuossárgga olles beaivvi bisti bargobádji, mii lea oaivvilduvvon boazodoalliide ja eará geavatlaš doaibmiide. Bargobádjái galgá dieđihit iežas sierra. Bargobádjái oassálastin máksá veháš, dainna gokčat lágidangoluid. Oassálastin ii gáibit dan, ahte galgá dieđihit iežas konferánsii.
Aitosaš konferánsa álgá vuossárgga eahkedis buresboahtindilálašvuođain. Maŋŋebárga, gaskavahkku ja duorastat leat várrejuvvon ovdanbuktimiidda ja eará dieđalaš prográmmii. Duorastateahket lágiduvvojit ávvueahketmállásat restoráŋŋa Pohjanhovis. Dilálašvuhtii ávžžuhuvvo gárvodit smart casual -vuogi miel, dat mearkkaša lotkes muhto áššálaš stiilla. Bearjadaga prográmmas leat oahpásmuvvangalledeamit, maidda gullet earret eará báikkálaš boazodállu ja Maaseutuyrittäjyyden osaamiskeskus Loue Tervolas. Eahketmállásiidda ja galledemiide galgá dieđihit iežas sierra.
Dilálašvuođa giella lea eaŋgalasgiella, muhto vuossárgga bargobádji ja guosselogaldalliid álgosáhkavuorut (keynote lectures) dulkojuvvojit suomagillii, ruoŧagillii ja davvisámegillii.
Konferánssa oassálastinmáksu nannejuvvo čavčča 2026 áigge. Oassálastinmáksu gokčá lágideamis šaddan goluid ja vejolaš vuoitu geavahuvvo čuovvovaš AUC-dilálašvuođa lágideapmái. Stuđeanttat ja boazodoallit ožžot vuoládusa oassálastinmávssus. Konferánsii galgá dieđihit iežas elektrovnnalaš skoviin, mii rahpasa juovlamánus 2026. Dieđiheapmi lea vejolaš vuoliduvvon early bird -hattiin guovvamánu 2027 loahpa rádjai. Dieđiheami dábálaš hattiin galgá dahkat maŋimustá 18.4.2027. Jos dárbbašat veahki dieđiheamis, váldde oktavuođa (konferánsakoordináhtor Kristiane Width, kwidth@ulapland.fi)
Dilálašvuođa lágidit ovttasbarggus Lappi universitehta Árktalaš guovddáš, Lappi ámmátallaskuvla, Luondduriggodatguovddáš, Bálgosiid ovttastus ja Meahciráđđehusa koordineren LIFEline4Fennicus-prošeakta.
Dehálaš beaivemearit
- Dieđihanliŋka rahpasa: 1.12.2026
- Early bird -dieđihanáigi nohká: 28.2.2027
- Dieđihanáigi nohká: 18.4.2027
- Bargobádji boazodoalliide ja eará geavatlaš doaibmiide: 10.5.2027
- Buresboahtindilálašvuohta: 10.5.2027
- Konferánsa: 11.-14.5.2027
Konferánsa lágiduvvo Lappi universitehtas (Yliopistonkatu 8, Roavvenjárga). Bargobáji ja oahpásmuvvaneahkeda báikkit almmuhuvvojit maŋŋelabbos. Oassálastit vástidit ieš idjadanbáikki várremis ja goluin. Mii leat ráđđádallan golmma hoteallain (Hotel Aakenus, Arctic City Hotel, Original Sokos Hotel Vaakuna) soahpamušhattiid, mat leat fámus 8.4.2027 rádjai. Soahpamušhatti oažžu dušše várremin lanja Lappi universitehta konferánsabálvalusaid bokte. Lassidieđut hoteallamolssaeavttuin gávdnojit konferánssa eaŋgalasgielat siidduin. Sáhtát maiddái váldit oktavuođa konferánsakoordináhtorii (Kristiane Width, kwidth@ulapland.fi,+358451482377).
Dilálašvuođa sponsorat veahkehit doallat oassálastinmávssuid govttolažžan. Seammás konferánsa fállá máŋgga fitnodahkii earenoamáš kanála fáhtet vejolaš áššehasaid ja ovttasbargoguimmiid.
Jos háliidat doarjut dilálašvuođa ruđalaččat dahje dus lea beroštupmi ovdanbidjamii, váldde oktavuođa Antti Pekkarisii; antti-juhani.pekkarinen@luke.fi, +358295 322 529.
Tieteellisten seurain valtuuskunta doarju konferánssa lágideami
The Arctic Ungulate Society was founded in 1999 with the aim to foster studies of Arctic Ungulates, particularly reindeer/caribou and muskoxen, through the continuation of the Arctic Ungulate Conference (AUC). Arctic Ungulate Conferences are held every four years. The Arctic Ungulate Society decides on the selection of venue and aids in the organization of conferences.